HUASCAR Y HUANDY: LA LEYENDA. Yungay Hermosura Ancash Perù.

                                         WASKAR Y WANDY

Kay ñawpa willaki, willakun, Waskaran rahuwan Wanduy rahu, imanaw turnakanqantam. Unay tiyimpush kayaanaq ishkay qatusaq markakuna. Chay markakunapa kasikUYninkuna manash imaypis alliqa apanakuyaanaqtsu; allaapa chikinakurllash kakuyaanaq.

Chay kasikekunapash kayaapunaq wamrankuna. hukninpa ullqu, Wascar shutiyuq; y hukninpa warmi Wandi shutiyuq. Ishkan wamrakuna puqurkurnash, kuyanakurkuyaanaq. Paykuna allipam musyayarqan Taytankuna musyaykurninqa, guerrata rurar allaapa nunakunapa yawarninta ramayaananta. Chayshi taytankuna mana maakuyanqanyaqlla, ampillapa wasinkunapita yarquyaq. Chaynuullapash imaypis rikaanakuriyaq pakayllapa kullaynaki kaptin.

Huk kutinash ampipa yarquyaanaq allaapa shumaq quillachaw. Maa,aywayaanaq achka wayta wayta rurin pampapa. Waqunakurishqa ayukuraykayaptinnash, tapakuqkuna rikaykuyaanaq. Chaynash huk hirkapa mantsakarnin, safakur ishkan aywakuyaanaq, manash imaypis munayaanaqtsu waqcha kayta.

Chaypitanash, taytankuna musyaryaanaqshi, aywakuyashqanta tsay rikyaraqnin guerrerukuna willakuriyaptin. Chaynash ashir aywayaananpaq ayllurachiyaanaq achkaq tropakunata. Tariikurninnash, Chay taytaninkuna guerrerunkunawan  maqakaykachiyaanaq, allaapa piñashqa karnin. Chaypitanash wataykuyaanaq frenti frenti. Chaychawnash allaapa waqallaayaanaq malaaya destinullankunata. Chay weqinkunanash aywanqan rahuman tikrakuraykanaq. Chaynawpash Tayta Apunchik ankuparnin, tikrarachinaq rahuman ishkanta.

Wandi kaqshi tikrarinaq Wanduyman; y Waskar kaqnash tikrarinaq Waskaranman. Chay rahukuna chullurninnash, huntakaarinaq ishkay quchaman. Chayshi kanan Llanganuco quchakuna kaykayan, y chaypaqnawpis Waskaran Kaqpita yaku huntakan urqun kaq quchaman; Wanduy kaqpitana chiinan kaq quchaman. Chayshi kanankamayaq waqayan Desdinullankunata. 

Fuente de referencia: UgelYungay/Agp. (octubre del 2004). [Video].

Ttikrashqa Chawpin qichwata.

Kikinchikpa shiminchikchaw, quillqamushun

Yungay Noticias.